Një rikthim i jashtëzakonshëm për një ish-president. Me fitoren në Uiskonsin, Trump siguroi 277 vota elektorale nga 270 sa janë të nevojshme për të siguruar presidencën. Ndërsa Kamala Harris ka 224 vota. Trump sot 78 vjeç është në të njëjtën moshë që kishte Biden kur u bë presidenti më i moshuar në historinë e SHBA-ve
SHBA- Donald Trump eshtë presidenti i 47-të i Shteteve të Bashkuara! Një rikthim i jashtëzakonshëm për një ish-president që refuzoi të pranonte humbjen katër vjet më parë, shkaktoi një kryengritje të dhunshme në Kapitol, u dënua për akuza të krimit dhe u mbijetoi dy atentateve.
Me fitoren në Uiskonsin, Trump siguroi 277 vota elektorale nga 270 që ishin të nevojshme për të siguruar presidencën. Ndërsa Kamala Harris arriti të marrë 224 vota.
Fitorja e tij u konfirmua pasi triumfoi në katër shtetet kyçe për këto zgjedhje: Pensilvani, Uiskonsin (Wiskons), Karolinë të Veriut dhe Xhorxhia.
Mëngjesin e sotëm (6 nentor 2024) ndërsa ende po numëroheshin votat, Trump shpalli fitoren para mbështetësve të tij në një tubim në Florida. Sigurinë se ai do të ishte presidenti i Amerikës e mori pasi fitoi një nga shtetet kyçe Pensilvaninë si dhe projeksionet e Fox News e kishin shpallur fitues po me 277 vota.
“Kjo është një fitore politike që vendi ynë s’e kishte parë kurrë. Dua të falënderoj popullin amerikan për nderin që më dha duke më zgjedhur presidentin e 47-të, pasi më bëtë të 45-tin. Amerika na ka dhënë një mandat të paprecedentë dhe të fuqishëm. Do të arrijmë epokën e artë të Amerikës. Do ta bëjmë të madhe sërish” tha Trump para një turme të madhe mbështetësish të mbledhur në Qendrën e Konventës së Qarkut Palm Beach.
Mbështetësve u premtoi se do të ndalonte lufrat dhe se do të punonte ta bënte Amerikën të madhe sërish.
Zoti më shpëtoi jetën për një arsye për të shpëtuar vendin tonë dhe për të rikthyer madhëshinë amerikane e do ta përmbushim këtë mision. Për 4 vjet nuk patëm asnjë luftë, përveç se mundëm ISIS-in, e mposhtëm ISIS-in në kohë rekord, por nuk patëm luftë. Më thanë, “Po ti do fillosh luftë”, edhe u thashë, “Jo, unë ndaloj luftëra, nuk i filloj’. Kjo është një fitore masive për demokracinë dhe lirinë” vijoi më tej.
Gjatë fjalimit falenderoi dhe miliarderin Elon Musk
Kemi një yll të ri, quhet Elon
Harris e ka shtyrë fjalimin për nesër tha një zyrtar i fushatës së nënpresidentes.
Përveç kësaj, republikanët kanë dhe kontrollin në Senat.
Liderët nga e gjithë bota uruan presidentin Trump për fitoren e tij.
Trump është ish-Presidenti i parë që nga Grover Cleveland që rikthehet në Shtëpinë e Bardhë pasi humbi një palë zgjedhje pas mandatit të parë. Trump sot 78 vjeç është në të njëjtën moshë që kishte Biden kur u bë presidenti më i moshuar në historinë e SHBA-ve dhe që u inaugurua në 2020.