Këtë të mërkurë, në konferencë për shtyp 3 ditë përpara sfidës së parafundit në Grupin B1 të Nations League, ishin prezent dy futbollistët e kombëtares tonë, sulmuesi Indrit Tuci si dhe mesfushori i Leçes, Ylber Ramadani.
Fillimisht sulmuesi i Spartës së Pragës, Tuci lidhur me dy ndeshjet e fundit të ekipit tonë kuqezi u shpreh:
“Nuk kam presion, por me qejf pasi është hera ime e parë që do të luaj në Air Albania dhe do të jetë sold-out. E marr më shumë si tip motivimi dhe jo presioni, unë jam gjithmonë i gatshëm për të dhënë më të mirën.
I njoh mirë çekët, se kanë një stil loje me topa të gjatë dhe fizikisht të fortë. Duhet ti mbulojmë sa më mirë dhe ti neutralizojmë, dhe të kënaqim tifozët. Besoj që jam gati se kam bërë gjithë kontrollet, më kanë dalë me sukses, këtu jemi për Kombëtaren dhe duhet të japim gjithçka. Smund të them që janë pak 3 gola në 4 ndeshje, ne kemi 6 pikë aq sa kanë dy skuadra të tjera, ne të gjithë duam të shënojmë gol por do tja dalim me sukses se po stërvitemi mjaft mirë.
Kam ardhur këtu për të dhënë më të mirën, këtu është ndryshe se me klubin. Aq sa do futesh në futesh duhet të japësh maksimumin. Unë luaj me qendërmbrojtësin e Çekisë, por u dëmtua dhe më vjen mirë që sdo të luajë kundër nesh. Çdo ditë e mendoj golin dhe si mund ta shënosh, por dua të ndihmoj ekipin”, tha ndër të tjera Tuci.