Tayna ka dhënë një intervistë së fundmi për Prive, por ndryshe nga intervistat e zakonshme, kësaj radhe intervista u zhvillua në shtëpinë e saj. Këngëtarja ndau detaje nga karriera e saj, por edhe të pathëna nga jeta personale.
Në një moment të intervistës, ajo u pyet nëse është arrestuar ndonjëherë dhe përgjigjen nuk e prisnim. Tayna tregoi se është arrestuar në Zvicër dhe ka qëndruar 5 orë në burg.
”Në Zvicër. Ishte koha e pandemisë. Nuk lejohej që të lëvizje. Unë kam pasur një makinë, po nuk ishte e imja. Nuk e dija se kush e kishte makinën. Më kontrolloi një vajzë e doganës, më pyeti nga ke ardhur, ku po shkon. Më tha të prisja sa të vinte policia. Kam pritur 5 orë në burg, derisa erdhi policia e zonës që të më bënte pyetje. U frikësova! Ndoshta s’më lejojnë të hyj më në Zvicër,” -rrëfeu Tayna.