Ka ndërruar jetë në moshën 35-vjeçare kampioni amerikan i boksit, Paul Bamba.
Ai u bë kampion i artë i WBA në peshën e kryqëzuar vetëm këtë muaj dhe do duelonte me luftimet kundër Jake Paul dhe Tommy Fury, raporton The Sun. Bamba u bë kampion duke mposhtur Rogelio Medina vetëm fundjavën e kaluar.
Me këtë arristje ai theu një rekord të vendosur nga Mike Tyson për shumicën e fitoreve në një vit kalendarik me nokaut, plot 14-të. Bamba, shkaku i vdekjes së të cilit nuk është zbuluar, mbajti një rekord prej 19 fitore dhe 3 barazime gjatë karrierës së tij.
Ai ishte mik me yllin e popit NE-YO dhe u bë i pari që nënshkroi me kompaninë e tij të menaxhimit. NE-YO dhe familja e Bamba lëshuan një deklaratë të përbashkët për ndarjen nga jeta të boksierit.
“Me dhimbje të thellë njoftojmë ndarjen nga jeta të djalit të dashur, vëllait, mikut dhe kampionit të boksit Paul Bamba, drita dhe dashuria e të cilit preku jetë të panumërta. Ai ishte një konkurrent i ashpër, por i sigurt me një ambicie të paepur për të arritur madhështinë.
Por më shumë se çdo gjë ai ishte një individ i jashtëzakonshëm që frymëzoi shumë njerëz me vendosmërinë e tij të jashtëzakonshme. Ne jemi me zemër të thyer nga vdekja e tij dhe kërkojmë me mirësi për privatësi dhe mirëkuptim gjatë kësaj kohe të vështirë”, thuhet në njoftim.