Dashi
Përballja e hënës me Uranin nënkupton surpriza financiare që mund të ndryshojnë gjërat. Një shpenzim i papritur mund të sprovojë aftësitë buxhetore, por mos lejoni që kjo t’ju vendosë në sikletë. Dikush do ju ndihmojë të kërkoni zgjidhje sepse Urani ju nxit që të mendoni jashtë kutisë. Shmangni lëvizjet impulsive sepse kjo mund të hapë rrugën drejt strategjive financiare.
Demi
Mund të ndieni pak tension në një marrëdhënie. Pavarësisht përpjekjeve tuaja, depërtimi te dikush mund të duket i pamundur. Mos lini acarimin t’ju komandojë. Hëna ju inkurajon të shihni përtej dhe të përqafosni një qasje të re. Ndonjëherë hapësira e duhur mund të jetë ura e komunikimit.
Binjakët – Universi po ju shtyn të bëni pak pushim. Truri juaj mund të bëjë rezistencë, por kjo s’do ju ndihmojë sepse rutina juaj ka nevojë për energji të reja. Hëna në Akrep nxit rigjallërimin, ndërsa Urani ju kujton të ndryshoni zakonet. Mos bëni shumë gjëra në të njëjtën kohë dhe lëreni veten të karikohet.
Gaforrja
Emocionet mund të jenë paksa të tendosura, sidomos nëse shfaqen konflikte me miqtë. Ndjeshmëria është ana juaj e fortë, por mos i merrni gjërat shumë personale. Edhe pse ka disa dinamika të papritura, shihni përtej sipërfaqes sepse nuk lidhje me ju.
Luani
Një ngjarje e rëndësishme mund të vijë, falë një kërkese të papritur pune. Kjo mund t’ju vërë pak në lëvizje, por aftësitë tuaja drejtuese do ju ndihmojnë të rregulloni gjërat. Merrni frymë, shpjegoni situatën me sinqeritet dhe tregojuni të dashurve tuaj që ata janë të rëndësishëm. Presionin do ta përballoni me lehtësi për sa kohë jeni fleksibël.
Virgjëresha
Hëna përballë Uranit mund të nxisë një zënkë për një çështje të rëndësishme. Natyra juaj detajiste mund t’ju bëjë që të provoni këndvështrimin tuaj, por mendohuni nëse ia vlen. Do të ketë shumë intensistet emocional, por tërhiquni pak dhe shihini gjërat ndryshe. Mos u kapni pas tyre që të ruani qetësinë tuaj të brendshme.
Peshorja
Keni një mani për të shpenzuar sot. Disa blerje që ia keni vënë syrin mund të duket sikur s’presin dot, por sigurohuni që s’është diçka impulsive. Nëse ju lumturon, mos hezitoni. Në të kundërt, përmbahuni.
Akrepi
Hëna në shenjën tuaj përballë Uranit në Dem mund t’ju zhgënjejë në momentin e fundit duke i çorientuar planet tuaja. Ndoshta instinkti i parë është acarimi, por mbani mend që në këto ngatërresa fshihen mundësi. Merrini më të mirë dhe jini vigjilentë sepse mund ta ktheni situatën në anën tuaj.
Shigjetari
Sfidat e sotme mund t’ju tundojnë drejt veprimit. Por universi kërkon që të pushoni sepse ndërsa hulumtoni për zgjidhje mund të ngatërroheni. Shihni brenda vetes sepse instinktet janë më të mprehta se ç’mendoni. Besojini këtij procesi dhe durimi do ju çojë drejt zgjidhjes së duhur dhe që funksionon mirë në planin afatgjatë.
Bricjapi
Përplasja e mendimeve mund t’ju trazojë paksa. Edhe pse për momentin do ju acarojë, mund të jetë shkëndija e duhur e një lidhjeje më të thellë. Lidhja e sotme planetare tregon që nën zënka fshihet respekti dhe mirëkuptimi i ndërsjellë.
Ujori
Emocionet do ju përfshijnë sot dhe do të ndieni entuziazëm, acarim apo të dyja. Por yjet duan që të mos i shfaqni emocionet ose të tjerët do të kenë avantazh. Hëna në Akrep ju jep kontroll mbi emocionet dhe do të mund të kuptoni gjërat shpejt duke pasur përparësi.
Peshqit
Dilni nga zona e rehatisë. Provoni një ide, veprimtari ose qasje të re që do jua ndryshojë këndvështrimin në mënyra që s’e kishit menduar. Besojini intuitës teksa përqafoni të panjohurën sepse rezultati mund t’ju hapë sytë dhe ndryshojë jetën. Udhëhiquni nga kureshtja dhe mos u trembni nga surprizat që favorizojnë ndryshimin.