Xhamia e Shupenzës është përfshirë nga flakët në orët e para të mëngjesit të sotëm pas përfundimit të faljes.
Fillimisht flakët janë piksur nga besimtarët në katin e dytë të xhamisë ku falen gratë dhe vajzat është njoftuar zjarrfikësja e Bulqizës e cila ka shkuar menjëherë në vendngjarje por e ka patur të pa mundur neutralizimin e flakëve.
Ndërkohë në vendngjarje ka shkuar edhe policia e cila ka nisur hetimet rreth kësaj ngjarje.
Sipas dyshimeve të para nga policia, shkak mendohet të jetë një defekt në rrjetin e instalimeve elektrike.
“Rreth orës 06:30 të mëngjesit të sotëm, dyshohet se si pasojë e amortizimit të rrjetit elektrik të objektit, ka rënë zjarr në xhaminë e Shupenzës. Nga zjarri ka patur vetëm dëme materiale. Grupi hetimor po punon për dokumentimin e shkakut të zjarrit”, njofton policia.