Dibër- Një 31-vjeçar nga fshati Rrenxë i Dibrës ka ndërruar jetë pasi dyshohet se ra në kontakt me rrymën elektrike.
Andi Sulejmani ka qenë duke riparuar një defekt në kutinë shpërndarëse të internetit, në një shtyllë tensioni.
Dyshohet se 31- vjeçari ka rënë në kontakt me rrymën elektrike dhe ka rënë nga shkallët duke humbur jetën.
“Rreth orës 14:00, në fshatin Rrenxë, Dibër, shtetasi Andi Sulejmani, rreth 31 vjeç, duke shtruar një linjë interneti dyshohet se ka rënë në kontakt me rrymën elektrike dhe për pasojë ka humbur jetën”, informoi sot policia.
Vijojnë hetimet për zbardhjen e plotë të ngjarjes.