Kryeministri Edi Rama është shprehur se anëtarësimin në BE duhet ta shikojmë më shumë sesa një bankomat. Kreu i qeverisë tha se shqiptarët janë rritur në ferr dhe BE është vendi i Shqipërisë në BE.
“Ne nuk jemi perëndimorë të përkëdhelur nga fati, Nuk jemi rritur si ata, jemi rritur në ferr dhe ne e dimë shmë mirë se BE është më shumë sesa një bankomat, është vendi i shpëtimit tonë nga historia jonë, e kemi të qartë se BE është edhe këndi nga ne duhet të shohim historinë tonë. BE nuk mund ta shohim me sytë e të shkuarës. Dera që është hapur duhet shfrytëzuar sa është e pambyllur”, tha Rama.
Ndër të tjera ai u shpreh se BE është familje e vështirë për t’u bërë pjesë, por në momentin që je anëtarë, do të kemi një të ardhme të pa kërcënuar, theksoi ai.
“Unë jam këtu për ta konfirmuar fuqishimisht. Besojmë pa kushte në këtë proces, e dimë shumë mirë se BE nuk është një park ku shkohet për qejf, është një familje jo e lehtë për të qenë pjesë. Por është edhe një familje ku mund të jemi përfundimisht të sigurt dhe të kemi një të ardhme të pa kërcënuar përditë nga e shkuara”, tha Rama.
Kryeministri përmendi edhe Perandorinë Otomane, duke thënë se Shqipëria u shkëput prej saj pasi ajo u nda nga vetvetja, duke thënë se “ne i qëndrojmë besnikë perandorive”.
Ai bëri një analogji me BE, duke thënë se nëse një ditë BE shpërbehet, qendra do të krijohet në Shqipëri.
“Që nga viti 1912, kur jemi bërë të pavarur dhe kemi krijuar qeverinë e parë. U ndamë të fundit nga Perandoria Otomane. Ne ndahemi nga Perandoritë kur ndahen nga vetvetja. Kështu do jete edhe me BE
Nëse një ditë do çmendeni dhe të shkatërroni BE. Ne nuk e lëmë BE, do krijojmë qendrën këtu në Shqipëri. Brukseli do të jetë në Tiranë. Kush të dojë të rrijë, kush mos të dojë mos të dojë. Ne prapë do të jemi të fundit”, tha Rama.