Në një lidhje telefonike për emisionin “Pardon My French”, Ilnisa Agolli ndau për publikun vlerësimin dhe mbështetjen e saj për mikun e afërt, Laert Vasili, i cili tashmë është shpallur si finalisti i dytë i Big Brother VIP Albania 4.
E pyetur nëse e sheh Laertin si fitues, Ilnisa u tregua e rezervuar në parashikime, por theksoi se ai e meriton këtë titull. “Nuk dua të flas përpara kohe, por ai ka treguar shumë durim dhe mënyra se si ka shprehur gjithçka me dinjitet më bën ta dua si fitues. E kam ditur që do shfaqte më të mirën e tij,” u shpreh ajo.
Në lidhje me marrëdhëniet që Laerti ka krijuar brenda shtëpisë së BBV, Ilnisa ndalet veçanërisht te ballafaqimi me Gjestin, një moment që bëri bujë edhe jashtë. “Megjithëse pati konfuzion për shkak të përkthimeve dhe ndjeshmërisë fetare, më pëlqyen të dy në mënyrën e tyre. Falja e Laertit më shumë vinte nga një keqkuptim sesa një përulje, dhe ky gjest tregoi shumë për karakterin e tij,” u shpreh ajo.
E shikon Ilnisa si fitues Laertin?
Nuk mund të flas përpara kohe apo të hipotetizoj të gjithë këtë ndjenjën që kam për ta dashur si fitues. Mendoj që ai e meriton të jetë një fitues, për shkak të durimit që ka pasur gjatë gjithë këtyre ditëve për shkak edhe të mënyrës se si ka shprehur gjithçka në formën e tij. Jam për Laertin dhe e dija që ky djalë do ta shfaqte më të mirën e tij me shumë dinjitet.
Si i sheh Ilnisa raportet që Laerti ka me njerëzit e tjerë brenda në shtëpinë e BBV?
Më pëlqeu ballafaqimi i tij me Gjestin, megjithëse situata ishte pak kaotike jashtë me përkthimet e çuditshme karshi fesë, por ata më kanë pëkqyer shumë të dy, secili në mënyrën e tij. Falja e Laertit ishte karshi një keqkuptimi më shumë sesa një falje ku ai tregonte një përulje karshi një termi që është shumë i bukur që është “Allahu ekber” por veprimi i shëmtuar i Gjestit e detyroi që në një formë apo në një tjetër të keqkuptohej e gjithë situata. Ndodhi ajo që ndodhi.
Një ndër gjërat për të cilat është përfolur Laerti gjatë qëndrimit në BBV ka qenë edhe donzhuanizmi, çfarë mendon Ilnisa për këtë?
Po sikur nuk e pashë sepse Laerti është shumë donzhan edhe nuk e vura re shumë atje këtë anë. Laerti është sapioseksual kam idenë.
Duke qenë se ethet e finales kanë filluar sepse jemi drejt përfundimit të këtij edicioni, kë shikon Ilnisa në krahë të Laertit dhe Rozanës?
Do të isha kurioze të shihja Gertën me Egli Takon. Do të dëshiroja ta shihja këtë dyshe gocash. Unë mbahem si orakull ndonjëherë.